غوجانئنگ آتی
بير زامانلاردا بير اوْبادا پو قارا غوْجا ياشاپدئر. اونونگ اويتگِشيک آق بدِوي بوْلانلئغي اوچين، حاتدا توچجار بايلارام اوْنگا گؤروم سیزچيليک إديپديرلر. تأجيرلر بو آت اۆچين اينگ يوْقاري نئرخ کسيپديرلر، يؤنه غارري هميشه:
"بو آت يؤنه بير آتام دأل-ده، منينگ اۆچين اوْل ائنسان. إيسِم، آدام يالي سئزيان دوْستونگي هي-ده ساتئپ بوْرمي؟" ديييپ، جوْغاپ بريأن إکن.
بو غوْجا غارئپ بوْلسا-دا، آتئني ساتماغا دؤزمأندير. گونلرده بير گون اوْل بدِوينينگ آتياتاقدا يوْقدوغئني بيليپ قالئپدئر. اوْنونگ أهلي غوْنگشي-غوْلاملاري يئغنانشئپ:
– سن آدامئنگ بيدِرِگي إکنينگ. بيز ايرو-گيچ شو آتئنگ گوروم-جوروم إديلجکديگيني بيليأرديک. اوْني ساتان بوْلسانگ، قوْوي بوْلاردي. بو بتباغتچئلئغئنگ اولوسي – ديييپديرلر.
غوْجا: – بيله زاتلاري ساماهيللامانگ. دينگه بدِوينگ آتياتاقدا يوْقدۇغئني ياتلادايئنگ، وسسالام. بيزينگ بيليأن زادئمئز-آ دينگه شوْل، غالانلاري دينگه چاقلاما. بيز مونونگ باغئتمي بتباغئتچئلئقمي يا-دا حايئرمي-شرمي نأمهديگيني بيلِمزوْق آخئرئن، چونکي بو دينگه بوْلان واقا. ايندي نأمه بوْلجاغئنام بيليأن يوْق – ديييپدير.
جِمِاغات غوْجانئنگ اوستوندن گولوپ، بو يردن دارغاماق بيلن بوْلوپدئر. اوْلار غاررئنئنگ ايسلنديک مسلأ باشغاچا چِمِلِشيأنديگيني، عاقئلئنئنگ "دوْلي دألديگيني" اوْزالام بيليأن إکنلر. إمما اوْن بأش گون گچندن سوْنگرا، گيجأنينگ غئللا يارئندا بيردن آت جاناوار اؤز ياتاغئنا دوْلانئپ گليپدير. اوْل اوْغورلانماندئر-دا، إيسم ميدانا اؤز پيواغتئنا چئقئپ گيدن إکن. گؤرۆپ اوتورسالار اوْل اوْن ايکي ساني ياباني آتي هم ائزئنا تيرکأپ گلن إکن. آداملار ينه-ده توْپار توتوپ، گليپديرلر:
– ياش اولي، سنينگ آيديانئنگ جاني بار يالي-لا. بو بتباغئتچئلئق دأل-ده، إيسم، باغئت إکن – ديييپديرلر.
ياش اولي شيله ديين اکن:
– سيز حتدينگيزي بيلينگ. سيز مانگا دينگه آتئنگ دوْلانئپ گلنليگيني ياتلادايئنگ. مونونگ باغئتدئغئني يا دألديگيني بوْلسا، بيليأن يوْق آخئرئن. بو دينگه واقا. إيسم، سيز سؤزلِمينگ ايچيندأکي بيرجه سؤزي اوْقاپ، توتوش کيتاپ بارادا پيکيرينگيزي آيديپ بيلمرسينگيز آخئرئن؟!
بو ساپار آداملار سسيني چئقارماندئرلار، يؤنه اونونگ بيماملادئغي دوْغروسئندا اؤز يانلارئندان پيکير يؤرهديپديرلر. شيلهليکده، غوْجانئنگ آتياتاغئندا ينه-ده اوْن ايکي ساني عاجاپ آت پيدا بولوپدئر. اونونگ ياباني آتلارا باش اؤورهديپ بيليأن يکه-تأک اوْغلي بار اکن. اوْل بير گون نأساغلئق تاپئپ، يانئني يره بريأر. جماغات غوْجا قاراپ شيله ديين اکنلر:
– سنگ آيديان زاتلارئنگ اوغروندا بار يالي-لا. بو بير بتباغئتچئلئق إکن. ايندي سنينگ يکه-تأک اوْغلونگ هم يارانوْق، سنم ايندي غوْجالدئنگ، اوْل يکه-تأک ديرگينگ دي. ايندي سنينگ ياغدايئنگ اوْزال قئدانام پسه غاچسا گرک – ديييپديرلر.
غوْجا شيله ديين اکن:
– سيز اؤز اوْي-پيکيرلرينگيزه و چاقلامالارئنگئزا موبتلا ائنسانلار. سيز غاتي آنگريباشئندان توتيارسئنگئز. سيز دينگه اوْغلومئنگ ساغلئغئني ييتيرِن ديگيني ياتلادئپ غوْيايينگ. دورموش واقالارئنگ اساسئندا غوروالان، اوْلارئنگ بارئني بيربادا گؤرمک ائنسانا بريلمأندير.
ينه-ده بيرنأچه واغئتدان کسهکي بير یوورت بيلن دارتغئنلي ياغداي عمله گليپ، اوْبانئنگ أهلي ياشلاري اوْنگا سوروليأر. دينگه غوْجانئنگ اوْغلي ياراوسئزلئغي سبأپلي غالمالي بوْليار. اوْلار غاررئنئنگ يانئنا گليپ:
– ياش اولي، سنگ آيديانئنگ دوْغري إکن، آصئل گوروپ اوْتورساق، بو باغئت إکن. سنينگ اوْغلونگ يارانوْق، يؤنه اوْل يانئنگدا. بيزينگ اوْغوللارئمئزئنگ ائقبالي بوْلسا نأبللي – ديييپديرلر.
قارري ينه-ده شيله ديين اکن:
-سيز أهلي زادي شوْل اؤزۆنگيزچه پيکير إديپ يؤرشونگيز . نأمه بوْلجاغئني بوْلسا ، بيليأن يوْق . سيز اينگ غوْوسي اؤزۆنگيزينگ کينگ آلنئپ گيديلنديگيني، منينگکينگم غالدئرئلاندئغئني ياتلادايينگ. مونونگ باغئتدئغئني يا-دا بتباغئتچئلئق دئغئني، حايئردئغئني يا-دا شرديگيني دينگه خوداي بيليأر. اؤزۆنگيزچه یوز دورلی پيکير يؤرتمأنگ، يوْغسام دۆنيأنينگ سئرلارئنا دۆشونمرسينگيز. بوْليان واقالارا یوز دورلی سرتسنگيز، غاپئل بوْلارسئنگئز، مسلأ عاقئللي-باشلي، مانتئغا لايئق چملشمک بوْلسا، اوْنغايلي نتيجأ گلمأگه مومکين چيليک بريأر. سيز هاچان-دا، هايسيدير بير مسله بارادا پيکيرينگيزي یوزلِي بيان إدنينگيزده، روحي اؤسوشينگيزي غوْوشاديارسينگيز. حاقئقاتدا، دورموش سئياحاتي هيچ هاچان توکنمِيأر. بير يوْل تامام لانسا، بيلهکيسي باشلانيار؛ بير غاپي ياپئلسا، بيلهکيسي آچيليار. سيز بير بلنتليگه چيقيارسئنگئز، يؤنه اوْندان آنگئردا ينه-ده بير بلنتليک پيدا بوْليار. حالق آراسئندا بو بارادا يؤرگونلي گوررونگ بار: "داغلارئنگ اوستوندن داغلار گؤرۆنيأر". دورموش بو سوْنگسوز سئياحاتدير.
کؤچورن: عباس ائلچین تورکمنچأ گوچورن : کریم بهرامی
Qaynaq: zamanturkmenistan.com
اور توقماق
(اؤزبک خالق ناقئلی)
بیری بارمیش، بیری یوق میش. بیر غارری عایال بیلن بیر قوجا بارمیش. اولار آووچولوق بیلن گون گچیررلرمیش. بیر گون قوجا دوزاق غوروپ اوتوروپ دئر. دوزاغا یکه بیر لیلک دوشیار. یورتوپ بارئپ لیلگی دوزاغدان چئقاران میش. لیلک آدام کیمین دانئشماغا باشلایار:
- قوجا، من لیلک لرینگ باشلئغی من، منی گؤیبر، نأمه دیلسنگ اونی بریین. منینگ مکانیم اول غارشیدأکی داغئنگ آرقاسئندا. "لیلک بایینگ اؤیی نیرده؟" دیسنگ، هممه لر گؤرکزر،-دیدی.
قوجا لیلگی گؤیبردی. ارتهسی گون تئزدان توروپ، لئلکبایینگ سووغاتئنی آلماق اوچین یولا دوشدی. گیدیپ، گیدیپ بیر یره یتیشدی. قویون اوتاران چوپاندان:
- بو قویونلار کیمینگ قویونی؟- دیییپ سوراشدی.
- بو قویونلار لیلکبایینگ قویونی- دیییپ چوپان، قوجانی یولا سالدی. بیر یره باریپ یئلقی یایان یئلقئچییه:
- بو یئلقئلار کیمینکی؟ دیییپ سوروشدی قوجا. یئلقئچی:
-لیلک بایئنگقی،- دیدی.
- لیلک بای مانگا سووغات وعده سینی بریپدی، نأمه ایسلأیین؟- دیدی. یئلقئچی شیله دیدی :
- لیلک بایئنگ بیر خومچاسی بار، «غاینا خومچا» دیسه،غئزئل غایناییپ چئقیار، شول خومچانی ایسله،- دیدی.
قوجا آز گیتدی، کؤپ گیتدی، دره دفه دوز گیتدی،یدی گیجه یدی گوننیز گیتدی، لیلک بایئنگ اؤینه یتیشدی. غاپئدان گیریپ:
- السلام و علیکم،- دیدی. لیلک بای:
-حاق سالامئنگ بولماسایدی، جزانگی برردیم. سن سووغات اوچین گلمیش بولمالیسئنگ سن، هانی نأمه ایسله یارسئنگ ؟- دیدی.
- من سیزدن، "غاینا خومچا»نی ایسله یارئن ،- دیدی قوجا. لیلک بای دوشونجه لأپ:
-قوجا، سانگا بیر تاباق غئزیل بریین،- دیسه ده قوجا راضی بولمادی. سونگوندا، “غاینا خومچا»نی برمأگه راضی بولدی.
قوجا “غاینا خومچا»نی آلیپ یولا دوشدی. یول گیدیپ، چؤل گیدیپ، بیر یئره یتیشدی. دینج آلماق اوچین اوتوردی. اوبانگ یاشلارئنا باقئپ،
- " اوغوللارئم، ایشده بو خومچانی گؤرکزیین ، من بیر از اوقلایئن، یکجه "غاینا خومچا" دیمأنگ"دیییپ تاپشیریپ، اووقا گیتدی.
یاشلار قوجا اووقلایئنجا، «غاینا خومچا» دیییپ باغئرئشدئلار. خومدان غئزیل غایناپ چئقدی،
یاش-باش اوغلانلار غئزئللاری ییغناپ، خومی اؤیلرینه گؤتوروپ گیزلدیلر. «غاینا خومچا»نئنگ یرینه باشقا بیر خومچانی گتیریپ غویدولار.
قوجا اووقی دان اویانئپ خومچانی گؤتوروپ یولا دوشدی. یدی گیجه، یدی گوننیز یول گیتدی، اؤینه یتیشدی.
- هانی، غارری ساچاغی آچ، ایندی غئزئلا زنگین بولاجاق ،- دیدی.
غارری ساچاغی آچدی. ساچاغئنگ اورتاسئنا خومچانی غویوپ، غوجا بار گویجی بیله «غاینا خومچا» دیییپ باغئردی. خومچادان غئزئل غایناپ چئقمادی؛ غوجا ینه باغئردی، غئزئل غاینامادی. غوجانئنگ غاهاری گلدی:
- " وأه، آتانگا لعنت لیلک بای، منی آلدادئپ باشغا خومچا بریپدیر؛ من ارتیر گیدیپ باشغا سووغات ایسلأرین" دیدی.
ارته سی گون سأحردن غوجا ینه یولا چئقدی. یئلقئچی نئنگ غارشی سئنا بارئپ:
- لیلک بای منی آلداتدی، ایندی نأمه سووغات ایسلأیین،-دیدی.
یئلقئچی دوشونوپ: «آچئل ساچاق»نی ایسله، ساچاغی آچئپ، «آچئل ساچاق» دیسنگیز، هر هیلی طاغام حاضئر بولار،-دیدی.
قوجا لیلکبایئنگ غاپئسئندان گیریپ:
- السلام و علیکم،-دیدی.
لیلک بای: - حاق سالامئنگ بولماسایدی جزانگی برردیم. گچن گونده «غاینا خومچا»نی بردیم کؤنگولونگ دویمادئمی؟- دیدی.
غوجا بوتین واقانی سؤیلأپ:
- منی آلداتدئنگ، «غاینا خومچا»نئنگ یرینه باشغا خومچا بریپدیرسینگ ، ایندی سندن «آچئل ساچاق»نی ایسلهمأگه گلدیم،-دیدی.
لیلک بای دوشونوپ غالدی. سونگوندا «آچئل ساچاق»نی غوجایا سووغات بردی. قوجا یولا دوشدی. آز گیتدی، کؤپ گیتدی، گچن دوینکی دینج آلان اوباسئنا یتیشدی. اؤزی بیلن تانیش بولان یاشلاری گؤردی.
- اوغوللارئم، ایشده بو ساچاغی ساقلاپ اوتورونگ، من بیر آز اووقلایئن، یکجه «آچئل دسترساچاق» دیمأنگ،- دیییپ اولارا تاپشئردی.
اول اووقویا گیتدیکدن سونگرا یاشلار «آچئل ساچاق» دیییپ باغئرئشدئلار. یدی دوره گی طاغام حاضئر بولدی.
یاشلار طاغاملاری یئغناپ، ساچاغی اؤیلرینه أکیدیپ، یرینه باشغا ساچاق گتیریپ غویدولار .
قوجا اووقودان اویانئپ ساچاغی آلئپ، یولا دوشدی. اؤیونه گلیپ:
- قارری نأمه طاغام دیسنگ، حاضئر بولجاق- دیییپ ساچاغی آچدی. «آچیل ساچاق» دیدی. هیچ هیلی طاغام چئقمادی. قوجانئنگ غاهاری گلیپ
- لیلک بای منی ایکینجی کره آلداتدی، ارتیر بارئپ باشغا سووغات ایسلأرین،- دیدی.
ارتهسی گونی سأحردن قوجا یولا چئقدی. یئلقئچینئنگ غارشئنا بارئپ:
- ایندی لیلک بایدان نأمه ایسلأیین؟- دیدی.
-ایندی لیلک بایدان «اور توقماق»-ی ایسله، دوشمانئنگئز کؤپ یالی بولیا، اگر « اور توقماق» دیسنگیز، یاقئنئنگئزدا کیم بولسا، اوروپ آتار،- دیدی یئلقئچی.
قوجا یولا دوشدی. غاپئدان: - السلام و علیکم،- دیییپ گیردی.
لیلک بای: - حاق سالامئنگ بولماسایدی، جزانگی برردیم. ینه نأمه اوچین گلدینگ؟ «غاینا خومچانی»نی آلدئنگ، «آچئل ساچاق»نی آلدئنگ، ینه نأمه گرک؟- دیدی. - منی بو گزگ ده آلداتدئنگ، لیلک بای! «آچئل ساچاق» یرینه باشغا بیر ساچاق بریپ دیرسینگ. ایندی سندن بیر زات ایسلیارئن. مانگا «اور توقماق»ی بر،-دیدی.
لیلک بای قوجاغا «اور توقماق»ی هدیه اتدی.
قوجا «اور توقماق»ی آلئپ یولا دوشدی. آز گیدیپ، کؤپ گیدیپ اؤنگکی اؤزی بیلن اوبا بارئپ گلدی. تانئش یاشلاری چاغئردی.
- اوغوللارئم، ایشده بو توقماغی ساقلاپ اوتورونگ، من بیر آز یاتایئم. یکجه «اور توقماق» دیمأنگ،- دیدی.
قوجا اووقویا گیتدیگیندن سونگرا یاشلار ایندی نأمه بولارقا دیییپ «اور توقماق" دیییپ باغئریشدئلار. توقماق هممیسینی اورماغا باشلادی.
یاشلارئنگ باغئرئشئندان قوجا اویانئپ توردی. یاشلار بولسا آغلاشئپ:
- قوجا آتا، توقماغی دوردورونگ، بیز سیزینگ خومچانگئزی، ساچانگنگئزی گؤتوروپ یرینه باشغا خومچا، باشغا ساچاق غویموشدوق، تووا قئلدئق، آتا توقماغئنگئزی دوردورونگ،- دییشیپ دیرلر.
قوجا: "دور توقماق" دیییپ باغئرئپ دئر. توقماق اورماقدان دوردی. یاشلار یورتوپ اؤیلریندن «غاینا خومچا» بیلن «آچئل ساچاق»نی چئقارئپ بردیلر. قوجا یولا دوشدی. آز گیدیپ، کؤپ گیدیپ، کؤپ گیتسده بول گیدیپ، گؤل دیمأنی، چؤل دیمأنی یدی گیجه یدی گوندیزده اؤیینه باریب یتیشیپدیر.
«غاینا خومچا» دیدی، خومچادان غئزئل غایناپ چئقدی؛ «آچیل ساچاق» دیدی، هر هیلی طاغام طییار بولدی. عؤمورلرینده گؤرمهین طاغاملاری ایییپ، قوجا بیلن غارری حوش بولدولار. غئزئللاربیلن قوجا یاغشی اؤی سالدئردی و خانی اؤیلرینه میخمانچئلئغا چاغئردی. خان:
-"من کیمین خان، اول یوق سئز، فقیر قوجانئنگ اؤیونه میخمانچئلئغا گیدرمی؟" دیییپ گیتمهدی.
قوجانئنگ غاهاری گلیپ، خانی ساواشا چاغئردی. ارتهسی گون خان یدی مونگ ساواشچینی یئغناپ، قوجانئنگ اؤیونینگ یانئندا دوزولوپ:
-هانی قوجا کیشیسن ساواشا چئق!- دیدی. قوجا غاپئدان چئقئپ توقماغا باقئپ:
- اور توخماق!- دیییپ باغئردی.
توقماق هممه عسکرلری بیرباشدان اوروپ یاتئردی. سونگوندا توقماق خانی اورماغا باشلادی. خان:
- قوجا توقماغئنگی دوردور، سن ینگدینگ، منی اؤلومدن ساقلا، یوورده سن حأکیم بول!- دیدی.
قوجا توقماغی دوروزدی. اؤزی یوورده حأکیم بولدی. مئراد- ماقصادئنه یتیشدی.
اؤزبک تورکجهسیندن کؤچورن: عباس ائلچین تورکمنچأ گؤچورن : کریم بهرامی
گؤیچک پاطمانئنگ ناقئلي
بيري بارمئش، بيري يوق مئش، بير کيشي بارمئش. بو کيشينینگ بير عایالی و شول عایالدان پاطما آدئندا کؤپ عاقئللي و آوادان غئزي بارمئش. بير گون پاطمانئنگ انه سي ناخوشلانیار و غئزئنا دئيیار کي، من اؤلمدن سونگرا آتانگ تأزه زنان آلجاق و او زنان سني چوخ ائنجئدجاق. امما قارا اينگميزدن حاباردار بول، اونی اؤزونگ اوتار. غئزئنگ انه سي اؤلیار و آتاسي گیديپ باشغا بير عایال آليار. بو عایالئنگ دا اؤنگکی أريندن بير یامان غئزي بارمئش. عایال گؤيچک پاطماني کؤپ اوروپ ائنجئدارميش . پاطما صابئر اديپ ، هر گون غارا اينگي اوتارماغا أکیدرميش . پاطمانئنگ انه ليگی اونگا يونگ، داراق بررميش کي، چؤلده داراپ گتیرسين. پاطما يونگی اينگينگ آغزئنا بررمیش. غارا اينک يونگی یوودئپ، سونگرا حاضئرادیپ آغزئندان چئقارئپ پاطما بررمیش. بير گون پاطما يونگ داراديغي يرده یل اونونگ داراپ غویون یونگونینگ بيريني گؤتوروپ هاوایا غالدئردي . پاطما اونگ ائزئندان يورتوپ دیدي: - غاناتئنگا غوربان، يل بابا، دارادئق یونگومی سال، بابا! يئل اونونگ یونگونی بير غاپئدان سالدي. پاطما اؤیه گيريپ گؤردی کي، بویرده بير هايباتلي غارري اوتوروپ، آشاقی دوداغي ير سوپوریار، اوسکی دوداغي گؤنگ. غارري غاباغئنا بير غورباقا غويوپ اونی سئغاللايار. اول، دؤو انه سي دي. پاطما غاررا باش انگیپ دیدي: - منينگ یونگومي بر. غارري دیدي: - گل باشئمی گؤززه، سونگرا بررین. پاطما اونونگ باشئنا باقاندا گؤردی کي، يئلان-غورباقا بیلن دولی. - غارري سوراشدی: منينگ باشئم ياغشئمي، يا اننگ باشي؟ پاطما دیدي: - سنگکي ياغشي. غارري سوراشدی: - بو غورباقا گؤزل می، يوغسا ائنسان؟ پاطما دیدي: - کؤنگول سؤین گؤزل دئر. پاطمانئنگ سؤزلري غاررئيا خوش گلدي. غارري اونونگ یونگوني بريپ دیدي: - گیدرسینگ، اؤنگونگدن بير آق سوو، بير غارا سوو و سونگرا بير غئرمئزي سوو چئقار. آق سووا چومرسینگ، غارا سو بیلن ساچئنگي يووارسئنگ، غاشئنگا، کيرپيگينگه چکرسینگ، غئرمئزي سوودان يانگاقلارئنگا سورترسینگ. بير ده غارري اؤز تویوندن بریپ دیدي کي، سانگا گرک بولسام، ياندئرارسئنگ، يانئنگدا حاضير بولارئن. پاطما تویی گؤتوروپ گیتدي. گؤردی کی ادیل غاررئنگ آیدئشی یالی . اؤنگوندأکی آق سووا چومدي، سونگرا غارا سودا ساچلارئني يوودی و غئرمئزي سودان گؤتوروپ دوداغئنا، يانگاقلارئنا چکدي. شیله بیر آوادان بولدی کی، دنگی، تایی بولمادي. اؤوی انه سی پاطمانئنگ گیجأ غالاننی گؤروپ غئزئنا دیدي: - چئق، گؤر پاطما نأمه بولدی؟ غئزي چئقئپ گؤردی کي، پاطما گليار، امما شیله بیر گؤزللَشيپ دیر کي، آدام باقاندا گؤزی غاماشيار. پاطما اؤیه گلنده اؤوی انه سی اونی بارلادی. غئزئنگ گؤزللشديگيني گؤروپ سوراشدی: - نیردن سن بیله گؤزل بولدونگ؟! پاطما باشئنا گلني اؤوی انه سینه سؤيلهدي. او دا ارتسي گونی پاطماغا دیدي کي، سن اؤیده اوتور، غوي بو گون منينگ غئزئم اينگي اوتارماغا گیتسین. انه اؤز غئزئنا يونگ، داراق بردي. يل مونوگ دا یونگوني گؤتوروپ أکیتدی و گتيردي شول غاپئدان سالدي. غئز یونگونينگ ائزئندان یورتوپ اچري گيردي و غاررا دیدی : - یونگومی بر . غارري دیدي: - باشئما باق، سونگرا بررین. غئز اونونگ باشئنا باقاندا غارري سوراشدی: - منينگ باشئم ياغشئمئدئر، يوغسا اننگ باشي؟ غئز دیدي: - سنینگ باشئنگ پيسدير، انه مئنگ باشي ياغشئدئر. غاررئنگ مونگا غاهاری گلیپ دیدي: - گیدرسینگ، اؤنگونگدن بير آق سوو چئقار، بير غارا سوو. غارا سوودا چومرسینگ، آق سوودا باشئنگي يووارسئنگ. غئز آق سوودا باشئني يوووپ غارا سوودا چومدي ،اؤنگکیدن ده بتر یاقئمسئز بولدی. انه سي مونی گؤروپ پاطما غاتی غاهاری گلیپ حيرصئندان آز غالدي چاتلاسين. پاطمانئنگ غاهارئنا ايسلهدي اونونگ اينگيني اؤلدورسون. چونکي ايشلرينگ باشي اينک دی. بير گون عایال اؤزونه بير-ايکي لاواش باغلاپ، یوزونه زعفران چکيپ گيردي يورغان-دوشگه. أري اؤیه گلنده عایال بير او يانا، بير بو يانا دؤندی، غوری لاواشي آشاغئندا سس اتدی. أري سوراشدی: - عایال، سانگا نأمه بولدی کی سونک لرينگ شیله شاقئردایار، رنگکینگ بولسا شیله سارالئپ دئر؟ عایال دیدي: - غاتی ناخوش من، اؤلیارئن، غارا اينگي گرَک اؤلدورملی. اونونگ اتيندن ايسم، بلکی ديري غالارئن. کيشي ايسلمهدي پاطمانگ اينگيني کسسين. امما عالاج تاپمان دیدي: - غوي پاطما اؤیدن بير يانا گیتسين، اينگي کسرین. اينک بولارئنگ پيکريني دوشونوپ پاطما دیدي: - مني اؤلدورجکلر. سن منينگ اتيمدن ایمه و سونککلريمي يئغناپ بير يئرده باسدئر. هر واغئت ايسلسنگ گل او يرینگ، اوستونی آچ، اول یرده بير دست کؤینک و بير جوویت غئزئل کؤویش تاپارسئنگ.
پاطما اينک بیلن اؤیه غايداندا آتاسي اونی ايش ائزئندان گؤندريپ اينگي کسدي. پاطما غايداندا اينگيني اؤلی گؤروپ کؤپ آغلادي. اينگينگ اتيندن هیچ ایمدي و سونکلريني ييغناپ بير يرده گؤمدي. ارتسی خابار چئقدي کي، پادشاهئنگ اوغلونا توي بولجاق. پاطمانئنگ اؤوی انه سی يره بير چاناق داري سپيپ دیدي کي، بولاري بير-بيرچاناغا يئغنارسئنگ . يانئندا بير کویزه غويوپ دیدي: - مونی دا آغلاپ گؤز ياشئنگ بیلن دولدورارسئنگ. اؤز غئزئني دا گيينديريپ-کجينديريپ تويا أکیتدی. پاطما اؤرأن غمگين اوتوروپ آغلاماغا باشلادی. بيردن غارري دؤو يادئنا دوشدی. اونونگ برن تویونی ياندئردي. شول ساغاتدا غارري حاضئر بولدی. پاطما باشئنا گلني اونگا سؤيلهدي. غارري دیدي: - غمگین بولما، تئزلئقدا هممسي دوغرالار. غارري آياغئني يره اوردی. شول واغئت يردن بير تووق يانی جویجهلري بیلن چئقدي، داريني تميز ایدیلر، چاناغي غاررينئنگ گتيرديگي باشغا داري بیلن دولدوردولار. غارري پاطما دیدي: - کویزأنی ده تميز سو بیلن دولدوروپ ايچينه بير آز دوز دؤک، او دا گؤز ياشي بولسون. سونگرا پاطما بیلن غارري گیتديلر اينگينگ سونکونونگ باسدئرئلان يرنه. شو یری غازئپ گؤردولر کي، بير دست ظريف یوپک پارچادان کؤینک و بير جوویت غئزئل کؤووش چئقدي. شول یرده کأن غئزئل دا باردي. غارري کؤینگی، کؤووشی پاطما گيينديردي و بير آز غئزئل، بير آز دا توپراق گؤتوروپ پاطما بیلن تويا گیتدیلر. تویدا غارري دیدي: - بو غئز منينگ آغتئغئم دئر، غويونگ بو دا اويناسئن. اول، پاطمانئنگ بير جووسینه غئزئل، بير جووسینه ده توپراق غويوپ تاپشئردي کي، اؤوی انه سینینگ طارافئنا اويناندا اولارئنگ اوستونه توپراق سپ، باشغالارئنگ طارفئنا اويناندا غئزئل. پاطما دا کأن یاغشی اويناياردي.
هممه لر اونونگ اويناشئنا حايران بولدولار. غارري نأمه دیین بولسا، شیله بولدی. اؤوی انه سینینگ طارافئنا اويناندا توپراق سپدي، باشغالارئنگ طارفئنا اويناندا غئزئل. اويناندان سونگرا پاطما تئزلئق بیلن اؤیه غاييتدي . کأن هاولوغانسانگ کؤپرودن گچنده کؤوشینینگ بير تاييني سووا غاچئردی. پاطمانئنگ اؤوی انه سی تويدان غئزي بیلن غايدئپ گلنده گؤردو کي، پاطما اؤیده اوتوروپ، تاپشئردئغي ايشلري ده يرينه يتيريپ دیر. اول، کؤپ غاضابدادی . پاطما سوراشدی: - آي انه، تويدا نأمه گؤردونگوز؟ اؤوی انه سی غاهار بیلن دیدي کي، هیچ زاد گؤرمديک، بير گونی غارا گلميش غئز چئقدي، اوينادي، اؤزیده سانگا منگزیاردي. بيز طارفا اويناندا توپراق سپردي، باشغالارئنگ طارافئنا اويناندا غئزئل-کوموش سپردي. پاطما دیدي: - من اؤیدن چؤله چئقمادئم، سنگ بويوردوغونگ ايشلري بیتیردیم. بير گون پادشاهئنگ اوغلی آوا چئقدي. کؤپرینینگ يانئندان گچنده ايسله دي کي، آتئنا سوو برسين. آت سووا ياقئنلاشدي امما ايچمدي. پادشانئنگ اوغلی آدام سالدئرئپ چايي بارلادی. چايدان بير غئزئل کؤووش تاپدئلار. کؤووش غاتی ظريف دي.، پادشانگ اوغلونا کؤپ خوش گلدي. ايسلهدي کي، نأ هیلی بولسا، گؤززأپ اونونگ ايهسيني تاپسئن و اؤزونه آلسئن. کأن گزديلر، تاپمادئلار. جارچئلار جار چکنده پاطمانئنگ اؤوی انه سی اشيتدي، اونونگ ال-آياغغني باغلاپ تامدئرا سالدی. پادشانگ اوغلونونگ آداملاري آختارا-آختارا گليپ پاطمالانگ اؤیونه یتدیلر. گؤرنکسیز غئزئنگ آياغئنا کؤووشی گيديرديلر، بولمادي. سوراشدولار کي، سيزينگ اؤینگیزده باشغا غئز يوقمی؟ پاطمانئنگ اؤوی انه سی یوق دیییپ جوغاپ بردي . پاطمانگ بير خوروزی باردي، بو خوروز غئغئرماغا باشلادي : پاطما باجئم تامدئردا، آياقلاري کنديرده! عایال ناقادار ايسلهدي کی خوروز غویسون،امما بولمادي. خوروز تامئنگ اوستونه اوچوپ، گویچلی سس بیلن غئغئردی: پاطما باجئم تامدئردا، آياقلاري کنديرده! پادشانگ آداملاري مونی اشيديپ، تامدئری باقدئلار. گؤردولر کي، اونونگ ايچينده ال-آياغي کنديربیلن باغلانمئش بير گؤزل غئز بار. غئزي چئقارئپ کؤووشی اونونگ آياغئنا گيديرديلر. گؤردولر کي، کؤووش شیله اونونگ آياغئنا بيچيليپ دیر. غئزی پادشاهئنگ اوغلونا أکیتدیلر. پادشانگ اوغلی قيزي گؤرن واغتی جاني-ديلدن عاشئق بولدی و يدي گون، يدي گئجه توي ادیپ پاطماني اؤزونه یار ادیندی. ایديلر، ايچديلر، يره کچديلر. سيز ده ايينگ، ايچينگ، مورادئنگئزا يتيشينگ!
تورکمنچأ گؤچورن : کریم بهرامی کؤچورن: عباس ائلچین
غارری آتانئنگ نصئحاتلاری
بیر بار اکن. بیر یوق اکن ، غادئم زاماندا بیر پادشاه بار اکن. اول پادشاه عایال -ارکک دییمأن، غارری آدم بولسا، چؤله تاشلار اکن. اول پادشاه نئنگ اؤز نؤکر لریندن بیرینینگ غارری آتاسی بار اکن. اول بیر گون غارری آتاسئنی آرقاسئنا آلئپ ، بیر چؤله تاشلاماق اوچین اوغرایار. باریارقا، غاتی یاداپ" بیر آزاجئق دئنج آلایئن" دیییپ، بیر توممِگینگ اوستونده اوتوریار. شول واغئت آتاسی لاخ لاخ ادیپ گولیار. اوندا اوغلی : آتا ، من سنی چؤله تاشلاماغا باریارئن سن بولسا گولیأرسئنگ-لا بو نأمه بولدئغی ؟ دییار. آتاسی: اوغلوم ، من هم بیر واغئتلار آتامی چؤله تاشلاماق اوچین باریارقام، شول توممگینگ اوستونده دئنجئمی آلئپدئم. " گولمه غونگشئنگا گیلر باشئنگا " دیینلری بولدی. سن هم منینگ اوتوران یریمده اوتوردئنگ من اینهأ شونگا گولیارئن، اوغلوم دیین اکن. اوغلی : آتا منی هم غاررامدا چؤله اکیدیپ تاشلارلارمی؟ دیییپ سوراپدئر. آتاسی: البته اوغولوم، غاررانگدا سنی هم چؤله تاشلارلار دیییپ دیر. ای آتا جان بیله بولسا، من سنی تاشلاجاق دأل - دیییپ، اوغلی ینه ده آتاسئنی آرقاسئنا آلئپ اؤیونه غایدئپدئر. اول آتاسئنی اؤیونه گیتیریپ، بیر ساندئغئنگ ایچینه سالئپ، آغزئنی غولپلاپ غویوپدئر. هیچ آداما گؤرکزمأن، آدام یوق واغتی ساندئقدان چئقارئپ، آدام بار واغتی هم ساندئغا سالئپ، ساقلاپ یوروپدیر. گونلرده بیر گون پادشاه هممه آتلی لارئنی یئغناپ: ارتیر من آب زمزم سووندان ایچمأگه گیتجک، هممأنگیز شونگا چنلی شاینگئزی توتونگ – دیییپ تابشئرئپدئر. اول اوغلان بولسا اؤیونه گیلیپ، آتاسئنی ساندئقدان چئقارئپ: ای آتا جان، پادشاهمئز: آب زمزم نینگ سووندان ایچیپ گیلجِک، دیییپ ارتیر اوغراجاق بولیار دیییپ دیر. آتاسی: ای اوغلوم من بیر نأچه زات اؤوردیین، شونی اتسنگ، آب زمزم نینگ سوووندان تاپارسئنگ – دیییپ دیر. اوغلان : ای آتام من سنی هم ساندئغا سالئپ، اؤزوم بیلن آلئپ گیدیین – دیییپ دیر. آتاسی : بولیار، یؤنه سن بیر بالئق، بیر اؤکوز، بأش اون دأنه غارپئزچیگیدینی آلئپ، اؤزونگ بیلن گؤتِر دیدی. اوغلی هم بو زاتلارئنگ هممه سینی آلئپ، پادشاه نئنگ حوضورونا اوغراپ دئر. شول واغئت آتاسی: ای اوغلوم، پلان یرده بیر چؤل باردئر، سو یوقدور، شوندا غوشونئنگ سووی غوتارار. شول یرده اؤکوزی اوز باشئنا گویبریپ، ایزئنا دوشیبر، اؤکوز بارئپ بیر یری سوٌزر، شول یری غازسانگ، دررو سو چئقار دییار. آتاسی بیله کی زاتلارئنگ نأمأ گرکدیگینی هم اوغلونا آیدئپ بریپ دیر. اونسونگ اول آتاسئنی ساندئغدا گیزلأپ، یانگقی زاتلارام آلئپ، پادشاه نئنگ یانئنا بارئپ دئر. پادشاه : ای نؤکریم، بو اؤکوزی نأمه اوچین گؤتِردینگ ؟ - دیییپ سورایار. اوغلان : ای پادشام، یولدا آزئغئمئز غوتارسا، بو اؤکوز گرک بولار – دیییپ آیتیار. بولار بیرنأچه گون یول یؤرانلریندأن سونگ، غارری نئنگ آیدان شول چؤلینه بارئپ یتیشیپدیرلر. آداملار شول چؤلینگ ایچینده سوساپ، اؤلره یاقینلاشئپدئرلار. شول واغئت اوغلان اؤکوزی اؤز اوغرونا گویبریپدیر. هممه لر اؤکوزینگ ائزئنا دوشیبریپ دیرلر. اؤکوز- ده بارا- بارا بیر یره بارئپ، یری شاخی بیلن دؤروبریپ دیر. اوغلانام یولداشلاری بیلن شول یری غازماغا باشلاپدئر. آزاجئق غازئپدئرلار ولین، سو چوغوپ، چشمه یالی آقئپ گیدیبیریپ دیر. اول قودراتی گؤروپ، پادشاه اؤز دفترینده بِللأپ دیر. بولار سودان غانئپ، دم دئنچلارئنی آلئپدئرلار. بولار اوغراماقچی بولانلارئندا، ایله دویدورمان، آتاسی اوغلونا: ایندی، اوغلوم، گتیرین چیگیدینگی شول سووا سپیپ گویبر، غایدئپ گلینچأک، غارپئز بولوپ یتیشر- دیییپ دیر. اوغلی هم آتاسی نئنگ آیدانی یالی ادیپدیر. پادشاه مونی هم اؤز دفترینه بللأپ دیر. اونسونگ بولار اوغراپدئرلار. بیر یره یتیپ باریارقالار، اوغلانئنگ آتاسی: اوغلوم، شول بایاقی بالئغئنگ بارمی؟ اگر بار بولسا، اینهأ، قئرق چشمأ بارارئس، اوندا دوشریس، شولارینگ اچینده بیر چشمه آب زمزمینگ سووی دیر. ایل هایسی چشمأ دوش گلسه، ایچر یورر ولین، سن شول بالئغئنگی هر چشمأ بارانگدا، باتئرئپ گؤر، شول بالئق آب زمزمینگ چشمه سینه دوشنده جانلانار دا الینگدن چئقار گیدیبرر، آنا شول آب زمزم چشمه سی دیر. یات-دا ایچ، سونگوندان هم کویزأنگی دولدورپ، آل-دا غایدیبر دیییپ دیر. بولار شول گیدیپ اوتورئشلارنا آخئر سونگی شول چشمه لره بارئپ یتیأرلر. بو اوغلان هم شول بالئغی آتاسئنئنگ آیدئشئنی ادیأر ولین، بیر چشما باتئراندا، یانگقی اؤلی بالئق دیرلیأرده گیدیأر. اوغلان بالئغئنگ دیرلن چشمه سیندان ایچیار، کویزه سینی ده دولدرپ آلیار. بولار شول یردن ایزلارئنا اؤورولیارلار. بولار شول گلیشلرینه غارپئزچیگیدی سپیلن یره گلیارلار، گؤرسه لر بیشیپ، چاغلئنگ داشی یالی بولوپ یاتارمئش. مونی هم پادشاه گؤروپ، حایران غالئپ، دفترینه بللأپ دیر. غارپئزلاردان هم گؤتریپ بیلنلرینی آلئپ، یولا دوشوپدیرلر. بولار بیر یرلره باراندا، دونیأنینگ یوزینی دومان غاپلاپ، غاتی غارانگقی بولان اکن. شول واغئت اوغلانئنگ آتاسی : اوغلوم، شو واغئت یردن گؤتریپ بیلن داشئنگنی آل، آلئپ بولانگدان سونگ، دویأنگی مین-ده : آلانام آرمانلی آلمادئق هم آرمانلی ، دیییپ غئغئر دیییپ دیر. اوغلان شیله هم ادیپدیر. گوتریبیلن داشئندان اوچ سانئسئنی دویه سینه یوکلأپده سونگام: ,, آلانام آرمانلی، آلمادیق هم،، دیییپ غئغئریبریپدیر. اونونگ بیلهکی یولداشلاری هم: ,, بو دألیرأپ دیر،، دیییپ، اونگا سؤگوپ دیرلر. پادشاه مونی هم اشیدیپ دفترینه یازئپدئر. شیدیپ، بولار ساغ -آمان اؤیلرینه غایدئپ بارئپدئرلار. بارانلارئندان سونگ، پادشاه اول اوغلانی یانئنا چاغئرئپ، ادن ایشلرینی بیرمه – بیر سوراپدئر. اوغلان : ای پادشاهئم، بیر چمچه غانئمی گچسنگ، آیدایئن – دیییپ دیر. پادشاه : هر ایش ادن بولسانگ – دا گچدیم – دیییپ دیر. اوغلان : ای، پادشاهئم، من آتامی چؤله تاشلاماغا باریارقام، بیر یرده دینچ آلماغا اوتوردوم ولین، آتام : " من هم اؤز آتامی چؤله تاشلاماغا باریارقام، شول یرده دینچ آلئپ اوتوروپدئم" دیدی. اونسونگ التیپ تاشلاماغا منینگ گوزیم قئمان، گتیریپ، هیچ کیمه گؤرکزمأن ساقلادئم. سونگ بولسا، سیزینگ آب زمزم سوونا گیدیأنینگیزی اونگا آیدانئمدا، اول مانگا : " بیر اؤکوز، اون – اون بأش دأنه غارپئز چیگیت، بیر بالئق آل " دیدی. من هم اونونگ دیینلرینی ادیپ، اؤزینی ده ساندئغا سالئپ، اؤزیم بیلن آلئپ گیتدیم. اِینه، شول ایشلرینگ هممه سینی آتامئنگ دیینی بیلن اتدیم. بیزی اؤلومدن غوتارانام شول – دیدی. پادشاه : شول غارانگقی گیجه نأمه اوچین غئغئردئنگ ؟ - دیدی. اوغلان : اِینه منینگ شول غارانگقی گیجه ده آلان داشلارئم – دیییپ، اوچ سانی داشی گورکزدی . بولارئنگ بیری غئزئل ، بیری گؤوهر، بیری ده شام چراغ اکن. پادشاه مونگا حایران غالئپ، سونگ غارری آدم لاری چؤله تاشلاماغی غاداغان ادیپدیر. آتاسئنئنگ نصیحاتئنا غولاق آسئپ، گؤرولمدیک ایش ادن اوغلانئنگ خاطئراسی اوچین ایل قئرق گیجه – گوندیز توماشا توتوپ، ماقصاد – مرادئنا یتیپدیر.
قایناق تورکمنچأ گوچورن : کریم بهرامی : ائلچین کتاب
خودایبردی قورقاق بيلن تيلکي
بيربار اکن، بير يوق اکن، خودایبردی ديين بير آدام بار اکن. اول اؤرأن قورقاق اکن. مؤجک دير شاغال-آ بيله-ده دورسون، تيلکيدن هم غورقار اکن. اونونگ ايکي ساني عایالي بار اکن. بير گوندن بير گون مونونگ عایاللارينئنگ هر هايسي بير هالچا دوقاپدئر. خودایبردی بو هالچالاري ساتماق اوچين يابئسئني مونوپ، بازارا اوغراندا، عایاللاري حالوا هم سويجي سارئپدئرلار. اول يابئسئني لونگقولدادئپ باريارقا، اؤنگوندن بير تيلکي چئقئپ: - خودایبردی، نيرأ گيتجک، هوْو - ديييأر. خودایبردی غورقاق تيلکيدن چکينجيرأپ، دوغروسوندان گليپدير: - آي، عایاللارئم بير-ايکي ساني هالچا دوقاپدئرلار-دا، شوني "ساتئپ گل" ديييپ ايبرديلر - ديييأر. اوندا تيلکي: - بازاردا ساتجاق بولوپ يؤرمه-ده، مانگا ساتاي، هألي بازاردان غايدانگدا، پولونگي اؤنگوندن چئقارار-دا برأيرين - ديييأر. خودایبردی غورقاق بولسا: - بولجاق اوندا، يؤنه سن مني کؤپ غاراشدئرايماغئن، بازاردان گليأنچأم، اؤنگومدن چئقارئپ، تايئن اديپ دورغئن! - ديييأر. تيلکي: - آي، سن آرقايئن بولاي، اؤنگونگدن پولونگي تاييار اديپ غويارئن - ديييأر. خودایبردی غورقاق مونونگ سؤزونه ائنانئپ، بازارا گيديپ، بارئپ بازاردا گزن بولوپ يؤرموش. بازاري پولسئز بازارلاپ، اول عایاللارينئنگ ساران زاتلارئني هم آلئپ بيلميار. اونسونگ يابيجئغئني مونوپ، ينه ايزئنا غايديار. يولدا تيلکيدن پول آلجاق آدام، يابئسينئنگ اوستونده تلپهگيني غئشئجاق آتان بولوپ، هينگلهنيپ گليأرميش. هألکي هالچاني ساتان يرينه گلسه، تيلکي نيرده، زات نيرده، پول نيرده - غوم-غوق لوق. خودایبردی غورقاق آنگنگالئپ، دوروپ-دوروپ، کأن غاراشئپ، آخئري عالاچسئز بولوپ اؤيونه غايديار. گليپ، بوش خورجونئني غولتوقلاپ اؤيونه گيريأر. عایاللاري هر هايسي بير يردن: - سويجي أکِلدينگمي؟ حالوا أکِلدينگمي؟ - دييشيپ، مونونگ خورجونئني آلئپ گؤرسهلر، اينه اؤنگکوسي يالي بورا-بوش خورجون. اولار: - یري، نأمه، ساران زادئمئزي آلمانسئنگ. يا هالچاني ساتئپ بيلمهدينگمي؟ - ديييپ سورايارلار. خودایبردی قورقاق: - آي، هِلِي جانلار، بيلر بولسانگئز، بازارا باريارقام، اؤنگومدن بير تيلکي چئقدي. اول: "غايديشين گليأرکأنگ، پولونگي يولونگدان چئقاراررئن" ديييپ هالچالاري آلئپ غالدي. بازاردان دولانئپ گلسم تيلکم يوق، زادام يوق - ديييأر. اونسونگ عایاللاري اونونگ اوستونه غئغئريپ باشلایارلار: - سن نأهيلي آدام؟ يوغسام بولماندا، هِي، تيلکيدنِم پول آلارمئنگ؟ تيلکي بيلن سؤودا ادني، هِي، موندان اوزال اشِیدیپميدينگ؟ سن اول تيلکأ اؤزينگي اوينادئپ، آللاتدئرئپ سئنگ. ديينلر. سونگرا عایاللاري اوني سئناماق اوچين ایندیکي بازارا چنلي ينه ايکي ساني هالچا دوقايارلار. اولاري هم خورجونا سالئپ، آغزئني کؤجشديريپ، اونونگ يابئسينئنگ سئرتئنا بؤکدريپ، اؤزوني-ده يابئسئنا موندوريپ، بازارا اوغراديارلار. خودایبردینینگ بازارا باريانئني گؤرن هألکي تيلکي هاسئر-هوسور غوما آغئناپدئر-دا، ينه اونونگ اؤنگوندن چئقئپدئر. - هاي، خودایبردی، نيرأ باريارسينگ، هوو؟ - دييييپ غئغئريار. خودایبردی قورقاق: - من-أ بازارا هالچا ساتماغا باريارئن- ديييأر. اوندا تيلکي: - آي، بازارا هالچا أکيديپ يؤرأنئنگدن، مانگا ساتاي - ديييأر. خودایبردی قورقاق: - يوق، يوق من سانگا هالچامي برمن، اوزال هم آلداپ، پولومي برمدينگ - ديييأر. اوندا تيلکي: - من سني هيچ ماحال آلدان دألديرين. من بير سؤزومده دوريأندئرئن. اول سنینگ حاقئنگي ايين کول تيلکيسيدير، من بولسا - غوم تيلکيسي آخئري - ديييپ، مونونگ هالچاسئني اليندن آليار-دا: - هألي بازاردان گليأرکأنگ، شو يرده دورو بِرگين، من پولونگي گتيريپ بررين - ديييأر. خودایبردی قورقاق هالچاني تيلکأ نسيه بريپ، بازارا گيديبريأر. خودایبردی بازارا بارئپ، يابئسئني دانگئپ، يولدا هالچالامي آنگسات ساتدئم ديييپ، بازاردا آرقايئن گزيپ يؤر اکن. بيردن جوبوسينینگ پولسئزديگي يادينا دوشوپ، يانگقي هالچاني ساتان يرينه - ايزئنا غايتماقچي بوليار. خودایبردی قورقاق دررو يابئجئغئني مونيأر-ده، بازارلاپ بأريک غايديار. اول هألکي هالچاسئني ساتان يرينه گليپ گؤرسه، ينه تيلکي يوق. دوروپ-دوروپ، خاليص پتي-بيزاري چئقيار، هيچ گليأن زات يوق، اول ينه نأعالاچ بولوپ اؤيونه باقا غايديار. اول اؤيونه يتيپ گليأرکأ، اونونگ عایاللارينئنگ بيري موني گؤروپ، ايلغاپ اؤنگوندن چئقئپ: - يِري، هالچانگي ساغ-آمان ساتدئنگمي؟ - ديييپ سورايار. خودایبردی: - آي، هِلِي، ينه بولان دألدير، واخ، ينه تيلکي آلدادي - ديييپ، يوزوني آشاق ساللاپ اوتوريبريأر. اونسانگ اونونگ عایاللاري "ايندي موني نأتسک کأک؟" ديييپ پيکير اديأرلر. آخئري ايکيسي ديل دووشوپ، مونگا باتئرلئغي اؤورتجک بولوپ باشلايارلار. بير گون آغشام خودایبردی عایاللارئنا: - من تيلکيدن قورقيان. مني ميدانا أکيديپ گلينگ - ديييأر. عایاللاري هم: - بوليار - ديييپ، موني میدانا أکيديأرلر. اوني اؤيوندن غايراراق چئقاريارلار. خودایبردی قورقاق ميدانا اوتوريار. عایاللارينئنگ هرهسي بير غاپدالئندا دوران بولوپ، بيردن، ايکيسي هم غاچئپ غايديارلار. ايکيسي-ده اؤيه گيريأر-ده، شارق-شورق ايشيگينینگ ايچيندن اوروپ، خودایبردیني اؤيه سالمايارلار. خودایبردی قورقاق بولسا داشاردا: "واه، هِلِي، ايشيشگي آچ، تيلکي مني اؤلدوريأر-له" ديييپ قورقوپ غئغئريار. عایاللاري بولسا ايشيگي آچمان، اؤيونگ دشيگيندن سئرئغي اوزاديپ: - آل شونونگ بيلن تيلکيني اورو بر! - ديييأرلر. خودایبردی اوني آلئپ، داش-تؤورگينه بولايلاپ تيلکيني يانئنا گتيرمأندير. اونسونگ: - آي هِلِيلر، ايندي ايشيگي آچايئنگ، ايندي منینگ باتئرلئقدا کميم غالمادي - ديييپ غئغئريار. عایاللاري بولسا بير واغئتدان سونگ، ايشيگي آچيارلار. خودایبردی قورقاق اؤيونه گيريپ: - آه، هِلِيلر، شيله باتئر بولدوم، ايندي من هيچ زاتدان غورقمان - ديييأر. شونلوقدا، گونلرينگ بيرينده خودایبردی بير يره گيديپ باريار اکن. اونونگ اؤنگوندن بير اشگينگ تورهسي چئقيار، اول موني آليار-دا، غولتوغئنا ساليار. ينه-ده گيديبريأر ولين اؤنگوندن بير پیشباغا چئقیار، موني هم آلياردا، غولتوغئنا ساليار. ينه باريارقا، اؤنگوندن بير ميدان خورازي چئقیار، موني هم غولتوغئنا ساليار. خودایبردی بو زاتلاري غولتوغئنا سالئپ، گيديپ باريارقا، بيرنأچه دؤوونگ اوستوندن باريار. دؤوولر موندان: - آدينگ نأمه؟ - ديييپ سورايارلار. - آديما خودایبردی پألوان دييرلر. - گل، اوندا اوتور. اول اوتوريار. مونگا دؤولر: - بيزينگِم بير پألوانئمئز بار، شونونگ بيلن گؤرشيپ بيلرمينگ؟ - ديييأرلر. - گؤرشرين - ديييأر. دؤولر اؤز ديييأن پألوانئني چاغئرئپ، خودایبردی بيلن گؤرش توتدورماغا باشلايارلار. بولار گؤرش توتوپ اوغرايارلار. دؤولرينگ پألواني خودایبردی پألواني غئسئپ، آوورادئپ باريار . مونونگ گؤزي پترأپ، آسمانا ديکهليپ اوغراندا، دؤولرينگ پألواني: - يري، خودابردي باتئر، نأمه يوقارينگا غارايارسئنگ؟ - ديييأر. - يوقارئق غارايانئمئنگ سبأبي، سني آسمانداکي هايسي يئلدئزينگ يانئندان غايتارسام قام، شول حاقدا اويلانيارئن - ديييأر. اوندا دؤولرينگ پألواني: - آيريلاوري، سن مني اؤلدورجک اکنینگ، تويس پألوان اکنینگ، نأمه گرک بولسا آيت، يؤنه مني گويبرسنگ بوليار - ديييپ آيديار. بولار سونگرا خودایبردی غورقاغا بيرنأچه زاتلار بريأرلر. اونسونگ خودایبردی: - سيز منینگ بيلن بيتينگيزي دنگشديريپ بيلرميسينگيز؟ - ديييأر. دؤولر: - گل، دنگشدرسنگ - ديييأرلر. دؤولر بير بيت چئقاردئلار ولي، حاقغایت يومروق يالي بار . خودایبردی پألوان بولسا، هألیکي يولدان آلان پئشباغاني چئقاريپ گؤيبريار. دؤولر: - بأ، بو بيزينگکينگ چني-چاقي دأل اکن-اوو، غاپاق داغي باغلاپ گيديپدير-آي - ديييشيپ، ايچلريني چکيپ، گنگ گؤروپ، حایران بولوپ دورانلار. اوندان سونگ خودایبردی: - گلينگ ايندي بورأميزي دنگشديرلينگ - ديييأر. دؤولر: - گلينگ-ده، گلينگ - بولوشيارلار. دؤولر بورسيني چئقاريارلار ولي، بو هم يومروق يالي بولوپ، پاسئرداپ اوچوپ گيديار. خودایبردی بولسا: "بوره ديييپ، اينه، مونگا آيدارلار" ديييار- ده هألیکي خورازي چیقاريار ولي، دؤويلرينگ گؤزي خاناسئندان چئقايجاق بوليار. دؤولر: - بأ، بويا کِکِچ-مِکِچ باغلاپ گيديپدير، بيزينگکي داغی مونونگ يانئندا چاغاسئچا-دا يوق - ديييشيأرلر. سونگرا خودایبردی دؤولره: - بلکي، غولتئغئنگئزئنگ غئلئني دنگشديررسينگيز - ديييأر. دؤولر هم: - دنگشديرأيرس - ديييأرلر. دؤولر چئقارئپ گؤرکزديلر ولي، اوزئنلئغي بير سره داغي بار اکن. خودایبردی بولسا هألیکي اشگينگ توررهسيني چئقاريار-دا: "اينه، منینگ غولتوغئمئنگ غئلي-ها شونونگ يالي" ديييأر. دؤولر حایران غالیپ: - بأ، مونونگکي تورره-مورره باغلاپ گيديپدير-هوو - ديييشيأرلر. ينه-ده خودایبردی: - سيز منینگ بيلن يرينگ ياغئني چئقارئشجاقمئسئنگئز؟ - ديييأر. دؤولر: - چئقارئشجاق - ديييأرلر. اونسونگ خودایبردی غورقاق هألیکي يومورتغاني دؤولره گؤرکزمأن بير يره گؤموپ غوييار-دا، سونگام بارئپ دپيپ گويبريأر ولي، يومورتغانئنگ سارئسي چوغوپ چئقدي دورو بِردي. دؤولر حایران غالئپ: - پأهِي، بويأ يرينگ ياغئنام چئقارايدي، هوو - ديييشيأر. دؤولرِِم شِيتجک بولوپ نأچه دييسنگ، يري دپيأرلر ولي، يؤنه سارسئپ دور ، آصيل چئقيان زات يوق. خودایبردی: - گلينگ، ايندي آغاچ يئقئشالئنگ!- ديييأر. دؤولر: - گلينگ-ده، گلينگ - بولوشيارشلار. دؤولر بير دپيپ غويبريأرلر ولين،بير آغاچ يئقئليار. خودایبردی بولسا گليأرکأ، يولدان بير کولتِم يوپ تاپان اکن. آنا، اونسونگ اول شول يوپي آليار-دا، أهلي آغاچلارينگ داشينا آيلانشدئرئپ باشلابريأر. دؤولر موني گؤروپ: - يِري، خودایبردی پألوان، سن نأمه ايش اتجک بوليارسئنگ؟ - ديييأرلر. - من سيز يالي يکه-يکهدن يئقئپ دورمان، بارئسئني بيردن يئقجاق اوتيريبرجک - ديييأر: دؤولر: - آي، زاليوات خودایبردی پألوان، غويا وري، بيزينگ آتامئزدان غالان سایالئق آغاچلارئمئزئنگ بارئندان ديندارجاق بوليارمئنگ - دييشيپ موني آيئريارلار. اونسونگ دؤولر: - ايندي سن هم بيزينگ بيلن ناهار هم ايييش، شوندا-دا اوتسانگ، بيز سانگا بويون - ديييأرلر. خودایبردی: - گلينگ بأري، من تاييار - ديييأر. اونسونگ قرئق غولاقغازاني پالاودان دولدورئپ، دؤولر بيريگيپ، ايييپ اوغرايارلار ولي، هينگ توکهديپ بيلميأرلر. غازاني خودایبردینینگ اؤنگونده گتيريپ غوييارلار. اولام ايين بولوپ اوغرايار-دا، دؤولر چئقان واغتي چوقور کؤووپ، غازانئنگ ايچيندأکي آشي شونگا دؤکيأر-ده اوتوريبريأر. دؤولر ايشيکدن گلنلرينده غازانئنگ دويبوني يالان بولوپ دوريار. دؤولر موني گؤروپ، "به-يه، بويأ-أ ااييأم اييأيپدير" ديييپ حايران غاليارلار. اونسونگ دؤولر: - موني آغشام ياتاندا اؤلدورلينگ، شِیدیپ، آغزيبيرليک بيلن يوغ ادأيمسک بو بيزه هزيل برمز - ديييپ، اؤزآرا ماصلاحاتلاشيارلار. آغشام ياتار واغتي بولار ولين، خودایبردی هم پوسسوني ياپئنئپ ياتيبريأر. اول گيجه اوقا گيدنسونگ، دؤولرينگ اؤلدورمأگه بارجاقدئغئني بيليپ، ایچمگینگ آشاغئنا بير اولي داشي سالئپ، اوستيني ياپئپ غوييار-دا، اؤزي بيله يانئندا ياتيار. گيجأنینگ بير واغتي دؤولر باريپ، يانگقي ياتان پوسسونلي داشي تاياق بيلن اورماغا باشلايارلار. اولار اوروپ، اوروپ: "ايندي-هأ اؤلدورن بولساق گرک" دييشيپديرلر. خودایبردی بولسا، ارتير ايردن دؤولرينگ ايشيگيندن گليپ: - بِي، آغشام ياغئشجاغاز شئتئر-پئتئر ادأيدي اؤيديأن، هيچ آرقايئن ياتئپ بيلمديم-آي - ديييأر. دؤولر: - بأ، شوني هم شئتئر-پئتئر بيليأن بولسا، مونگا نأمه عالاچ اتمک بولارقا؟! - ديييشيپ پيکيرلنيأرلر. ارتيسي آغشام خودایبردی پألوان کوده اديپ باسئلان چؤپونگ ايچينده ياتيار. ينه دؤولرينگ بارجاغئني بيليپ، ايچينه اولي بير داش غويوپ، اؤزي بيلهده ياتيار. دؤولر بارئپ، چؤپي اوتلايارلار. اؤزلرِم: "ايندأ- دينان بولساق گرک" ديييشيأرلر. خودایبردی پألوان بولسا ارتيسي ينه دؤولرينگ يانئنا باريار-دا: - بأ، آغشام اينيم غاتي غيزدي-اوو، من نأساغلانئپدئرئن اؤيديأن - ديييأر. دؤولر: - ايسلأن زادئني بريپ، شوني آمان-ساغ اؤيونه التيپ گله لينگ - دييشيپ، خورجوني زاتدان دولدورئپ، بير دؤوینگِم اوستونه مونديريپ، خودایبردینینگ اؤيونه اوغرايارلار. اوني گؤتريپ آلئپ گليأن دؤو: - خودایبردی پألوان، سن شونچا ايييأرسينگ ولي، هيچ آغرامينگ يوقلا؟ - ديييأر. اوندا اول: - آغرامئمي سالاموق، گؤکده يوپوم بار، شوندان آسئلشئپ گليأرين - ديييأر. اوندا دؤو: - هاني، يوپدن آسئلشمان، آغرامئنگي آت، گؤریين - ديييأر. خودایبردینینگ بيلينده بير جانوجاق پئچاغي بار اکن. آليار-دا شونونگ بيلن دؤوینگ گرشينه باسيبريأر. دؤو: - هاي، آليوات، يوپونگه ياپئشاوِري! - ديييپ غئغئريبرِیار. آنا اونسونگ، خودایبردی پألوان دؤوي مونوپ، اؤيونه باریار. دؤو بولسا موني دوشوريپدير-ده، ائزئنا غايدان. گليأرکأ، اول دؤوونگ اؤنگوندن هألکي مکير تيلکي چئقئپ: - يري-هوو، دؤو دوست، نيردن گليأرسينگ؟ - ديييپ سورايار. دؤو: - خودایبردی پألواني اؤيونه التيپ گليأرين - ديييأر. تيلکي: - او نأهيلي پألوان بوليارمئش، اول-آ بير بارئپياتان غورقاق آخئري. - آي، يوق، اول زور هوو، بيز-أ اونگا بير توپار زات بريپ، زوردان سئپدئق. - بيله بولسا، يؤر، اوندا زادئنگئزي آلئپ بریين، سيز اونگا خودایبردی پألوان ديييأن بولسانگئز، بيز اونگا خودایبردی قورقاق ديييأريس. من مونونگ هالچاسئني بازارا باريارقا، هر گزک آلداپ اليندن آليارئن - ديين. دؤو اوندا-دا ائنانمايار. تيلکي دؤوه: - اينانماسانگ، بوينوما يوپ سال-دا، بير اوجوني اؤزونگه دانگاي - ديييأر. تيلکي شِیدیپ، بوينوندان يوپ سالدئرئپ، دؤوينگ اؤنگونه دوشوپ، خودایبردینگ اؤيونه اوغرايار. شول واغت خودایبردی تامئنگ اوستونه چئقئپ دوران اکن. اول دؤوي ايزئنا تيرکأپ گليأن تيلکيني گؤروپ: - هاي تيلکي - ديييپ غئغئريار. تيلکي خودايبردأ هأ بريأر. خودایبردی: - آتانگ مانگا اوچ دؤو برگيسي بارقا، گتيريأنینگ يکهجه دؤومي؟ - ديييپ غئغئران. يانگقي دؤو: - سن مني آتانگ برگيسينه برمک اوچين گتيريأن اکنینگ - ديييپ، تيلکينینگ بوينئنا دانگئلغي يوپي اؤزونه طاراپ چکيأر-ده، اوني پنجهسينه آلئپ، راس يرينگ يوزونه بولاپ اوريار-دا، اؤکجأني گؤترييأر. خودایبردی شِیدیپ، پألوان هم باتئر آدئني آلانمئش.
کؤچورن: عباس ائلچین تورکمنچأ چوورن : کریم بهرامی
گچينِم اؤز آياغئندان آسارلار، غويونام
بأهليلي دانانئنگ اينيسي هارۇن رشيد اۇلي پاتئشا اکن. اوْل اؤز آغاسي بأهليلي داناني يانئنا چاغئرئپ: - آي، بأهليلي، سن بو ديواناچئلئق-گداي چئلئغئنگدان ال چک، اينه، سانگا خازينا، نأمه گرک بوْلسا گؤتر – ديين اکن. اوْندا بأهليلي دانا: - آي، پاتئشا، بيز هر نيچيک آغا-اينم بوْلساق، سنينگ پاتئشالئق بيلن قازانان مالي-دۆنيأنگدن چيگيت يالي زات گرک دأل، سن يؤنه مني اؤز گونومه غوْي - ديييپدير-ده، اؤزۆنينگ ويرانا جایئنا اؤته گيديپدير. بأهليلي دانانئنگ اؤیی هارۇن رشيد پاتئشانئنگ کؤشگونه ياقين اکن. هارۇن رشيد هر گون تاغتئندا اوْتوران واغتئندا بأهليلي دانانئنگ آهي-حاسرات بيلن دادي-پريات اديپ آغلايان غاملي سسيني اشيدر اکن. گونلرده بير گون هارۇن رشيد تاغتئنا چئقئپدئر، گؤرسه بو گون بأهليلي دانانئنگ هوْولوسئندان هميشهکي اشیديليأن غاملي سسينگ درِگينه شاتلئقلي اوْواز گليأرميش. بأهليلي دانا يکه اؤزي اؤز باشئنا دألي-پوْرهان بوْلوپ، هم ساز چاليار، هم آيديم آيديار اکن. هارۇن رشيد موني اشيديپ، گنگ غالئپ: - بارينگ ديواناني آلئپ گلينگ، اوْندان خابار آلالئنگ - ديييپ، ياساووللارئنا بویروق بریپدير. ياساوۇللار بأهليلي داناني آلئپ گليپديرلر. پاتئشا: - يري، بأهليلي، سن هميشه گونونگي غايغي-غام بيلن آغلاپ گچيريأردينگ، بو گونکي شاتلئغئنگ نأمأنينگ حکاياتي؟ - ديييپ سوْرایار. - آي، پاتئشام، اشيدر بوْلسانگ، من بو گون بازارا باردئم - ديييپ، اوْل سؤزه باشلان اکن. - بارسانگ بارئپسئنگ-دا بازارا، اوْل یرده نأمه بيله شاتلئق گؤردۆنگ؟ - پاتئشام، قاصصاپ بازارئنا باردئم، گؤرسم گچينم اؤز آياغئندان آسئپدئرلار، غوْينام اؤز آياغئندان آسئپدئرلار. من، ايکيميز آغا-ايني بوْلانئمئزدان سوْنگ، سنينگ تاغتدا اوْتوروپ، ايل-خالقا اديأن ظولوم-سوتمينگ هم ظالئملئغئنگ اۆچين منم گونأکأر بوْلياندئرئن اؤيدۆپ قوْرقوپ، هميشه آغلار يؤرأرديم ولين، آصئل بيله دأل اکن. بوگون من بازاردا گچينينگم اؤز آياغئندان آسئليانئني، غوینونگام اؤز آياغئندان آسئليانئني گؤردۆم و هر کيمينگ اؤز ادن گونأسي اۆچين جزا آلجاغئنا دوشونديم. شوْنونگ اۆچين هم واغتئم خوْش بولوپ، شاتلانئپ اوْتئرشئم - ديييپ، جوْغاپ بريپ، چئقئپ گيدن اکن. کؤچورن: عباس ائلچین تورکمنچأ گؤچورن : کریم بهرامی ساتئن آلنان عاقئل بير بار إکن، بير يوق إکن، غاديم زاماندا بير غارئپ أر-عايال بار إکن. بولار گيجه- گونديز هارس اوروپ ايشلهسلر-ده ايکي چاغاسئني إکلأپ بيلمأن، غاراگونه غالئپ يؤرأنميشلر. گونلرينگ بيرينده أري عايالئنا: – من بیلکي اوْبالارا آيلانئپ گؤريين، مئنئمئزدان دوشهوونتليرأک ايش تاپسام، گوچوپ گيدلي – ديين اکن. عايالي: – گيتسنگ گيت. آيلانئپ گؤر، بلکي، غوْوي إکلنچ تاپارسئنگ – ديييپدير. غارئپ غوْنگشئلارئندان اوچ تنگگه قارض آلئپ، يوْلا دوشوپدير. بيرنأچه اوْباني آيلانئپ، ايلينگ نأهيلي إکلنچ إديأنئني گؤروپدير. يؤنه هيچ يرده-ده بولچئلئق يوْقدۇغئنا گؤز يتيريپ، اؤز ايلينه دوْلانئپدئر. اوْل يوْلدا بير آقساقغال آداما دوش گلیپ، حال-آحوال سوْراشئپدئر. اؤزونينگ إکلنچ گؤزلأپ چئقاندئغئني آيدئپدئر. آقساقغال اوْنگا: – عاقئل ساتيان، اوْغلوم، إکلنچدن غالدئم – ديين اکن. – عاقئلي نأچه-دن بريأنگ؟ – بيري بير تنگگه. غارئپ اوْنگا بير تنگگه بريپدير ولين، آقساقغال: – گونونگ ياشان يرينده يات – ديين اکن. – باريمي شی؟ – هاوا، بير تنگگه دۆشيأني شوْل. غارئپ ينه بير تنگگه بريپدير ولي، غوْجا: – ميهمان بوْلان يرينگده ياريگيجهدن سوْنگ يات – ديين اکن. غارئپ بارجا پولوني حارچلاپ، غوْجا بيلن ساغ بوْللاشئپدئر-دا، يولوني دوْوام إديپدير. اوْل گون ياشاندا بير اوْبانئنگ چتيندن بارئپ، بير کمپيرينگکيده ميهمان بوْلوپدئر. غوْجانئنگ برن عاقئلئني ياتلاپ، غارئپ ياريگيجأ چنلي ياتماندئر. گيجه ياريما يِتيبرنده، داشاردا حئش-مئش سس إشيديپدير. غارئپ یوواشلئق بيلن توروپ، پنجيره-دن سِرإتسه، ايکي آدام بأش دۆيه یوپک پارچاني گتيريپ، کمپيرينگ آغئلئنئنگ داشئندا اویشوپ دۇران درسينگ آشاغئنا سوسدۆريپديرلر-ده، اۆستونه چؤپ-چالام تاشلاشدئرئپ گيديپديرلر. غارئپ موني کمپيره-ده آيتمان، يرينه گچيپ ياتئپدئر. إرتير حانئنگ ياساوللاري: – کيمينگ ميهماني بار بوْلسا، کيم دِل آدام گؤرسه، کؤشگه آلئپ بارسين – ديييپ، اوْباما-اوْبا آيلانئپ باشلاپدئرلار. دِل آدام بوْلسا، کؤشگه إلتيليپدير. کمپيرم غارئبي آلئپ بارئپدئر. حان: – پئلان یوورتدن گلن آبرايلي سؤوداگأرينگ بأش دۆيه یوپک پارچاسي اوغورلانئپدئر. هايسئنگئز آلان بوْلسانگئز آيدئنگ. بوْلماسا، هامئنگئزي کوله سِرديررين – ديييپ، يئغنانان آداملارا هايبات آتئپدئر. هيچ کيمدن سس چئقمانسوْنگ، غارئپ: – اوْني اؤزۆم- أ آلاموْق. آلاني–دا توتوپ بريپ بيلجک دأل. يؤنه حارئتلاري تاپئپ بریين – ديييپدير-ده، اونونگ بوقئلان يريني گؤرکزيپدير. حان اوْنگا بير ييل گوزران گؤرر يالي آلتئن بريپدير. غارئپ اوْني آلئپ: – سؤودا جوبونه دۆشدي – ديين اکن. حان غارئبئنگ بو سؤزۆنه گنگئرگهنيپ: – اوْ نأهيلي سؤودا؟ – ديييپ، مونگکورليک بيلن إنگيپدير. غارئپ اوْنگا عاقئل سؤوداسي بارادا گوررونگ بريپدير ولي، حان گولوپ، هزيل إدينيپدير. اوْنگا ينه بير قئسئم آلتئن بريپدير. بوْش جوبي آلتئندان دوْلانسوْنگ، غارئبئنگ گؤوني گؤتريليپ، بازارا ائلغاپدئر. ديلي سويجأن غارئپ، نار ساتئپ اوْتوران بيرينينگ يانئنا بارئپ: – ايشسيزليکدن إليم گيجأپ دور، ياشولي! ايش بار بوْلسا، موغئت إديپ بریين – ديييپدير. بو شادئيان کيشي نار ساتيان غوْجا دييسنگ ياراپدئر-دا: – حاقئنگي اوستونينگ ساغبوْلي بيلن بررين. گچ، هاني، ترِزينگ باشئنا. من بير ياپلانئپ چاي ايچیين – ديين اکن. غارئپ غوْجانئنگ نارئني ساتئپ بريپدير. اينگ سوْنگونا گزک گلنده، قوْجا "بو چاغالارئنگا" ديييپ، اوْنگا إصليجه نار بريپدير. اوْل ييلدان – بو ييلا نار دادئپ گؤرميأن چاغالاري غارئبئنگ گؤزۆنينگ اؤنگونه گليپ، بگِنجينه اؤکجسي يره دگمأن، ينگيل غوپوپ، بازارا آيلانئپدئر. بو يردن آليبيلن زادئني آلئپ، حوش بولوپ اوچوپ، غارئپجا چاتماسئنا يتيپدير. هنيز اللرينه آلتئن پول دوشوپ گؤرمديک أر-عايال اؤرأن بگنيپديرلر و چاغاجئقلارئني ناهارلاپدئرلار. شيله ليکده، بو أر-عايال چاغاجئقلاري بيلن آقساقغال قوْجادان ساتئن آلان عاقئلئنئنگ آرقاسئندان حار-زار بوْلمان، باغئتلي ياشاپدئرلار.
گؤچورن: عباس ائلچین تورکمنچأ گؤچورن : کریم بهرامی