کریم قربان نفس دن بیر غوشغی

کریم قربان نفس دن بیر غوشغی 

          کریم قربان نفس، ترکمن شئغئرو ادبیات آسمانئنئنگ، اینگ پارلاق یئلدیزلاری نئنگ بیری دیر.

اونئنگ شئغئرلارنی اوقیین واغتئنگ،اؤرأن اونس بریپ دئققات ادیپ،معنی آلماق گرک .
کریم آغا، "عؤمرومه پند" دییان شئغرئندا ، شاهیری یعنی اؤزینی خطاب ادیار. اما اونئنگ مخاطبی همه ائنسانلاردئر.                                                گلینگ دئققات بیلن اوقیپ گؤریلینگ.

       ***************

شاهير! شاهيرليغينگ چين بوليان بولسا،
سؤنيپ، يانئپ، ينه سؤنيپ- يانئپ گيت.
ائنسانلئق يازغئدئنگ چونگ بوليان بولسا،
غارا يره چوْميپ،
چيقيپ،

چوْميپ گيت.

هم عاقئل بر، هم ايلينگدن عاقئل آل.
كئتاپدان دأل، غارا يردن ناقئل آل،
آلان زادينگ دمينگ بيلن ياقئپ آل،
سونگ ينه- ده يرينگ سويدين اميپ گيت.

داغ يولونا، چؤل يولونا بلد بول،
داغ يولوندا چات آچمايان پولات بول،
چؤل يولوندا– تيركش- تيركش بولوت بول،
تشنه گؤرسنگ دوداغينا داميپ گيت.

يول آغئردير: مونگ يانيلار، اؤچيلر،
باغئتلى يوللار، قئنلئق بيلن گچيلر،
يل ايغئنا شاغلاپ گيدسه گچيلر،
سن اؤكوْزدك،
يله غارشى اینگيپ گيت.

باغئت پايلانسا اوْچ بايلئغى ايلكى آل،
ائلغاپ بارئپ، ساغـلئق بيلن اركى آل،
يانى بيلن چووال- چووال گوْلكى آل،
سونگ تاپـئلار، غالان زادى زينگيپ گيت.

دوست پايلانسا «أبـر» ديییپ غئسغانما،
آلانگدان سونگ– قيسغالتما، هم قيسغالما،
ديلگ اتسه-
گؤزلرينگـى ، قيسغانما،
بيرين بر- ده،
بيرى بيلن اونگئپ گيت.

حأ چارئق گى،
حأ چوقاى گى،
تلپـك گى،
پارخى يوقدور: گيسنگ بولار اركك دى،
يؤنه ولى شيپـبيلداما چـپك دى،
آينا غونچلى أديك يالى دونگوپ گيت.

سوراسانگ آيدايـين قيامات نه دير:
ارككلر آوناسا– قيامات شو دير،
هر باشى تلپكلأ غويماغئن غادئر،
بأش تلپگـى
بير غئنگاجا دانگئپ گيت.

گؤزلليگـى
سور باغـرئنگا اوْيكن نگه،
سؤيیلسنگ سؤى، سؤيیلمسنگ سوْيكنمه،
سؤيگـى هم غوشغودير! كيشا اؤيكنمه،
اؤز مؤهرينگـى، اؤز كؤزينگـى قويوپ گيت.

ينگيپ ياشا: آخئردا ينگ، باشدا ينگ،
تومسدا ينگ، يازدا، گوْيزده، غئشدا ينگ،
سؤيگينگده ينگ، غايغينگدا ينگ، ايشده ينگ-
بير اوغـولدان،
ينگليپ، هم ينگيپ گيت.

ينگسين اوغول،
ديل بيلن دأل ايش بيلن،
سنگكأ گؤرأ حاص يتيرأك هوش بيلن،
آياق دأل- ده، پاراساتلى باش بيلن،
ينگسه اوغـول-
گؤزينگ راحات يوموپ گيت.

گؤزينگ سوْرتيپ مرحوم انأنگ آلنئنا،
بير آغلاپدينگ، ايندى برى آغلاما
اؤز بالانگـى الينگ بيلن جايلاما،
نوباتئندا مله يره سوْميپ گيت.

دنيأ گلمگينگ- ده
نوباتى ياغشى،
ينه اؤلمگينگ- ده
نوباتى ياغشى،
من دينگه بير زاتدا نوباتا غارشى،
دوست اؤيوْنده ايسلأن چاغـينگ غونيپ گيت.

باشارسانگ– كؤپليگينگ ايچينه غآريش،
تانئشدان دوست توتون، يادلاردان– تانيش،
 ژيگولينگ» ايچيندن گؤزلمه دورموش، «
كؤپليك بيلن آوتوبوسا موْنيپ گيت.

كؤپلسين اؤيوْنگده يوْركدش ميخمان-
يآرى ايشچى بولسئن، ياريسى دايخان،
البته، عالئما م، شاهـيرام حؤكمان،
اوْيشيپ، چاشيپ،
چآر طاراپا انگيپ گيت.

شيله دوستلار بيلن گزسنگ بير سـللـم،
يترسينگ اينگ اولى ماطلابا چنلم،
غادامئنگ گينكدن اور
انتكلر اللـم،
حول اؤنگده- له… ياش حاقئندا دئمئپ گيت.

هالى واغـتئنگ منگزمگين كليمه،
ديرى واغـتئنگ غئسسانماغـئن اؤلوْمه،
اؤچـن واغـتئنگ اوْكنمگين چيليمه-
ايچى كؤزلى اوجار يالى سؤنيپ گيت.

ينه بير سؤز (ماغتانماق دأل، اؤويت دأل)
مازاريما داش اوتورتماق سارغئت دأل،
مله يـرينگ آستئندا- دا داش غئت دأل،
باقـئلئق شول:
شول داشلارا سينگيپ گيت.

کریم قربان نفسینگ مازاری